REMATAMOS O PROXECTO CUN MAPA MENTAL

Por fin rematamos o proxecto sobre O corpo humano. Elaboramos en gran grupo un mapa mental co que sabiamos, axudáronnos as profes (Elisa e Azucena). Elas ían poñendo no taboleiro o que diciamos. Nós iamos facendo o noso nun folio grande. Esta páxina co mapa mental vai estar no noso libro do proxecto, xa veredes que ben nos quedou!

ASÍ VAI REMATANDO O NOSO PROXECTO

Analizada a información, e anotado o que aprendemos, estamos a rematar o proxecto. Só nos falta resumir a información.
o Mural do proxecto quedounos así:

OS DEREITOS DAS NENAS E DOS NENOS

HOXE, LUCHIÑA, A NOSA MASCOTA, LEMBROUNOS A CELEBRACIÓN RELACIONADA COA APROBACIÓN DOS DEREITOS DAS NENAS E DOS NENOS. VAI SER MAÑÁ, DÍA 20 DE NOVEMBRO. ESTE CURSO TRABALLAREMOS SOBRE O ARTIGO SEGUNDO QUE FALA DO "DEREITO A MEDRAR SANS FÍSICA, MORAL, PSICOLÓXICA E SOCIALMENTE". XA VOS CONTAREMOS MÁIS.

ESTAMOS TRABALLANDO UN PROXECTO SOBRE O CORPO HUMANO

Neste mes estamos traballando un proxecto sobre o corpo humano. Un día fixemos o estudo do que xa sabiamos sobre o corpo (ou polo menos o que criamos que sabiamos)e en función diso decidimos que había varias cousas que queriamos facer (a profe tamén quería saber algo) puxemos todo no apartado correspondente... E puxémonos a buscar información en varias fontes!
Niso andamos. Para seguir o proxecto temos un libriño de proxecto que vai tendo a pinta que aquí vedes...

O corpo humano para combinar

View more documents from xianadecide.

Xa vos seguiremos contando.

MAGOSTO NO COLEXIO

O venres 12 de novembro celebramos o magosto no noso colexio.  Saímos ao patio todas as nenas e nenos de todos os cursos e comemos unhas riquísimas castañas asadas. Despois xogamos por grupos a diferentes xogos populares.  Pasámolo moi ben todas e todos.

LUCHIÑA CONVÍDANOS A SER BOTÁNICAS E BOTÁNICOS

NO MAGOSTO IMOS PARTICIPAR NUNHA EXPOSICIÓN: "A CIENCIA NO MAGOSTO".
 A NOSA MASCOTA REMITIUNOS UNHA CARTA CONVIDÁNDONOS A SER CIENTÍFICAS E CIENTÍFICOS. IMOS, POIS, INVESTIGAR SOBRE O CASTIÑEIRO, UNHA PLANTA REALMENTE IMPORTANTE NO MAGOSTO.