ATA SETEMBRO!

IMOS DE VACACIÓNS, BEN MERECIDAS DESPOIS DE TANTO TRABALLO.
AS MASCOTAS MARCHAMOS DESCANSAR, TAMÉN APROVEITAREMOS PARA LER, PARA ESCRIBIR SOBRE AS NOSAS AVENTURAS E OCORRENCIAS, PARA REPASAR CÁLCULO E SOBRE TODO A TÁBOA QUE É MOI DIVERTIDA, XOGAREMOS MOITO (QUE DIGO MOITO... MOITÍIIIIISIMO!)E APRENDEREMOS COUSAS NOVAS NAS VIAXES.
VÉMONOS O 12 DE SETEMBRO EN 3º!
ABURIÑO!!!

FESTA FIN DE CURSO

DESPEDIMOS O CURSO CUNHA GRAN FESTA E MERENDOLA. XOGAMOS, BAILAMOS, VIMOS UNHA PELI E DESPEDÍMONOS ATA O CURSO VINDEIRO...

CROSS 1º E 2º

ESTE SÁBADO PARTICIPAMOS NO CROSS ESCOLAR. PASÁMOLO MOI BEN, CORREMOS MOITO E GAÑAMOS ALGUNHA MEDALLA QUE OUTRA. MIRÁDENOS

ESTA SEMANA FOMOS VISITAR AS CLASES DE 3º

COMO IMOS PASAR A 3º, CONVIDÁRONNOS A VISITAR AS AULAS. NÓS FOMOS A 3ºB.
FOI XENIAL: INTERCAMBIAMOS AGASALOS, FALAMOS DA AXENDA- QUE POR CERTO É DIFERENTE DA NOSA-, VIMOS O SEU MATERIAL,...
PARA O VINDEIRO CURSO ESTAREMOS NO SEGUNDO CICLO.
MENTRES TANTO MIRÁDENOS COMO FOMOS ACOLLIDOS.

OS NOSOS BOSQUES

CONCIENCIADAS E CONCIENCIADOS CO COIDADO DO MEDIO AMBIENTE, DECIDIMOS TENTAR CONCIENZAR AO RESTO DAS PERSOAS, AS NOSAS FAMILIAS AXUDÁRONNOS E CREAMOS BOSQUES ORIXINAIS: BOSQUES GOLOSOS, BOSQUES DE LENTELLAS, BOSQUES DE CORES, BOSQUES...
MIRADE ALGO DELES, SE QUEREDES VER MÁIS VISITADE O NOSO CORREDOR NO COLEXIO...

SAÍDA Á GRANXA KIRIKO

O DÍA 7 DE XUÑO, FOMOS TODO O 1º CICLO Á GRANXA KIRIKO, EN FORNELOS DE MONTES. PASAMOS ALÍ O DÍA ENTEIRO: COMEMOS E MERENDAMOS, PASEAMOS, APRENDEMOS COUSAS SOBRE OS ANIMAIS E O CICLO DA AUGA.
FOI UNHA EXPERIENCIA INESQUECIBLE!!

IMOS COIDAR O MEDIOAMBIENTE

NESTES DÍAS ESTAMOS TRATANDO DE CONCIENCIARNOS NO COIDADO AO MEDIO AMBIENTE. SE NON O COIDAMOS PODEN SUCEDER COUSAS COMA ESTAS:

PERO NON VAN PASAR PORQUE SEREMOS PERSOAS MOI PREOCUPADAS E COIDAREMOS MOITO, MOITÍSMO DO PLANETA EN QUE VIVIMOS.


ESTE ANO TRABALLAREMOS SOBRE TODO AO REDOR DA IMPORTANCIA DOS BOSQUES.

NO RECITAL DE POESÍA

o DÍA 18 DE MAIO PARTICIPAMOS NA HOMENAXE A LOIS PEREIRO LENDO A NOSA POESÍA.

RECIBIMOS UN DIPLOMA E UN LIBRO DE AGASALLO.
E DEPOIS GOZAMOS DA ACTUACIÓN DO GRUPO "MAMÁ CABRA"

TRABALLAMOS SOBRE LOIS PEREIRO

ESTES DÍAS ESTAMOS TRABALLANDO SOBRE LOIS PEREIRO:
- SOBRE A SÚA VIDA. USAMOS PARA ISO VARIAS FONTES: LECTURAS, CARTEIS, LIM,...

- SOBRE A SÚA OBRA. COLABORAMOS CO CENTRO NUNHA EXPOSICIÓN TITULADA "ILUSTRANDO VERSOS"
- SOBRE A HOMENAXE AO AUTOR, DEDICÁMOSLLE POEMAS QUE PRESENTAREMOS AO CERTAME DE POESÍA.
- SOBRE O RECITAL QUE TERÁ LUGAR O DÍA 18.

FACEMOS NOTICIAS PARA O XORNAL-MURAL

NESTES DÍAS ESTAMOS A TRABALLAR COA PRENSA,REVISAMOS O QUE SABEMOS DO XORNAL, ANALIZAMOS NOTICIAS, RESUMÍMOLAS EN PIRÁMIDES,...
CON TODO O COLEXIO IMOS FACER UN XORNAL-MURAL, NÓS CONTRIBUIREMOS CON ALGUNHA NOTICIA, TEMOS QUE USAR A PIRÁMIDE DA NOTICIA COMO PLANIFICADOR... XA VEREDES QUE BEN NOS QUEDAN.

FOMOS AO TEATRO DE TÍTERES

ESTA SEMANA FOMOS AO TEATRO. A OBRA ESTIVO MOI BONITA... NON PODEMOS POÑERVOS FOTOS PORQUE ESQUECEMOS A CÁMARA COA EMOCIÓN E AS PRÉSAS, PERO CONTARÉMOSVOS TODO MÁIS ADIANTE.

VISÍTANOS VIOLETA MONREAL

O LUNS 28 DE MARZO, VISITOUNOS VIOLETA MONREAL. ELA É ESCRITORA E ILUSTRADORA. A VISITA TIVO QUE VER COAS ACTIVIDADES PREVIAS Á LECTURA DO LIBRO "PAMELA PANAMÁ YA NO CREE EN CUENTOS DE HADAS", LIBRO DO QUE É AUTORA E QUE LEREMOS DURANTE O TERCEIRO TRIMESTRE.
DURANTE A SESIÓN, VIOLETA ELABOROU UNHA ILUSTRACIÓN, "EL ÁRBOL TENEBROSO", CON AXUDA DAS NENAS E DOS NENOS. A ÁRBORE TEN UNS OLLOS...!!!
REMATOUSE A SESIÓN COA SINATURA DOS LIBROS, HOUBO QUEN LLE LEVOU PARA ASINAR VARIOS LIBROS... QUEN NON SE LEMBROU DO LIBRO, VIOLETA FÍXOLLE UNHA TARXETIÑA MOI BONITA.
GRAZAS VIOLETA

OS BONOBOS, AS TARTARUGAS... E O TSUNAMI!

DESPOIS DO ENTROIDO ESTAMOS QUE NON PARAMOS DE TRABALLAR. COMEZAMOS POLOS BONOBOS... QUE SON ONDE VIVEN? DE QUE VAI O SEU CONTO? TRABALLAMOS TAMÉN O CONTO DE "ARTURO E CLEMENTINA"...
E HOXE VAI A MASCOTA E PREGÚNTANOS SOBRE XAPÓN, O TERREMOTO... E COMO É POSIBLE QUE ESTEAN AFECTADOS OUTROS PAÍSES?
NON PARAMOS DE TRABALLAR E INVESTIGAR!

O PAÍS DAS MARABILLAS NOS NOSOS DISFRACES

OS NOSOS DISFRACES TENTABAN PARODIAR ALGUNHA PARTE DO CONTO DE "ALICIA NO PAÍS DAS MARABILLAS"
AQUÍ VOS DEIXAMOS ALGUNHA FOTO...

E ALGUNHAS OUTRAS

QUEREDES SABER CAL É O NOSO DISFRACE?

ESTAMOS ELABORANDO O DISFRACE... QUEREDES SABER DE QUE VAI?
POIS TEN QUE VER CON MARABILLAS, CON PERSONAXES CURIOSOS, CON PICAS E CORAZÓNS,...

FOMOS AO SALÓN DO LIBRO

ESTA SEMANA VISITAMOS O SALÓN DO LIBRO. FOI UN DÍA XENIAL QUE PUXO BROCHE FINAL AO TRABALLO DE TODO UN TRIMESTRE SOBRE AS MENTIRAS.
ASISTIMOS A OBRADOIROS E VISITAMOS O SALÓN ONDE ESTÁ EXPOSTO O TRABALLO DO NOSO CENTRO.

VÉN O ENTROIDO

IMOS COMEZAR O TRABALLO SOBRE O ENTROIDO. VAN APARECER PERSONAXES COMO O RAVACHOL.
IMOS INVESTIGAR SOBRE O QUE SUCEDE NESA FESTA ANUAL.
DE NOVO VILAVERDIÑO VAI APARECER POLO COLE, VAI SER O PROTAGONISTA DA FESTA...
DE QUE IREMOS DISFRAZADAS E DISFRAZADOS ESTE ANO?

A VOTACIÓN DA NOSA CONSTITUCIÓN

PROPOSTOS OS ARTIGOS POLA CLASE, NOMEADO UN REPRESENTANTE PARA DEFENDELOS NUNHA COMISIÓN, ELABORADA A CONSTITUCIÓN, LIDA E COMENTADA NA CLASE, CHEGOU O DÍA DA VOTACIÓN. CONSTITUÍMOS A MESA E VOTAMOS.

DESPOIS, PARA CELEBRAR A APROBACIÓN DA MESMA, SAÍMOS AO PATIO, BAILAMOS "O BAILE DA CARRASQUIÑA", PEGAMOS OS NOSOS DEBUXOS NUN CARTEL QUE RECOLLE A CONSTITUCIÓN DO CENTRO ILUSTRADA E LEMOS OS ARTIGOS DA CONSTITUCIÓN (A NÓS TOCOUNOS LER OS QUE PROPUXEMOS).

TRABALLAMOS SOBRE A PAZ CON ESTRATEXIAS COOPERATIVAS

TAL COMO NOS DICÍA A NOSA MASCOTA, TRABALLAMOS SOBRE A CONSTITUCIÓN DA PAZ EMPREGANDO ESTRUTURAS COOPERATIVAS. PRACTICAMOS CO "FOLIO XIRATORIO" E CO "LAPIS AO CENTRO". AQUÍ NOS VEDES NALGUNHAS DAS SESIÓNS.

O NOSO CONTO COAS MENTIRAS

ELABORAMOS O NOSO CONTO SOBRE AS MENTIRAS. FOI A ACTIVIDADE FINAL SOBRE O TRABALLO QUE LEVABAMOS TODO O TRIMESTRE FACENDO AO REDOR DAS MENTIRAS. QUEDOUNOS ASÍ DE BONITO:

COMEZAMOS UN NOVO ANO: O 2011

EMPEZAMOS DE NOVO NA CLASE REMATANDO UN CONTO SOBRE VILAVERDIÑO, O NOSO GALO QUE ENFERMOU DURANTE O OUTONO, EN MASCOTILANDIA DIN QUE TEN UN MAL MENTIREIRO... A VER SE LUCHIÑA NOS AXUDA A CURALO.

SABEDES SOBRE QUE IMOS TRABALLAR DESPOIS? IMOS DARVOS UNHA PISTA...